Back Unknown Pleasures AST Unknown Pleasures Azerbaijani Unknown Pleasures Bulgarian Unknown Pleasures Catalan Unknown Pleasures Czech Unknown Pleasures German Unknown Pleasures Greek Unknown Pleasures English Unknown Pleasures Spanish لذتهای ناشناخته Persian
Pladenn glok kentañ Joy Division eo Unknown Pleasures. Embannet eo bet gant Factory (Fact 10), produet eo bet gant Martin Hannett, hag enrollet e Strawberry Studios (Stockport). Deuet eo er-maez e 1979. Tizhet eo bet plas kentañ an hit-parade saoz gant ar bladenn e miz Eost 1980, goude emzistruj kaner ar strollad, Ian Curtis e anv. Plas kentañ a dapas ivez e hit-parade Zeland Nevez e miz Even 1981. Ur wech kempennet ar son eo bet embannet en-dro e miz Gwengolo 2007. Ouzhpennet ez eus bet neuze ur bladenn "live", enrollet er Factory e Manchester d'an 13 a viz Gouere 1979. War golo ar bladenn e weler ur skeudenn tennet eus The Cambridge Encyclopedia of Astronomy. War ar bladenn vinil (embannadur european) e c'haller lenn, e dibenn an tu A : "This is the way" hag e dibenn an tu B :"Step inside". An div frazenn-se o vezañ tennet eus ar ganaouenn Atrocity Exhibition a gaver war Closer.